© All rights reserved 2011 -  2017      Djispi Productions      Web design by Cathleen Giterson

Djis un Pensamentu

Un E-magazine  pa inspirá, eduká, konsientisá i entretené

Bon Biní
Bienvenido
Welcome
Welkom Djispi

Inspirá: Honor na outor

Esaki ta e rúbrika ku ta duna honor na un di nos tantísimo outornan. E por ta outor literario, artístiko òf musikal. Aki por haña un tipo di biografia di e outor di turno i na final su pensamentu riba un tópiko ku e ta konsiderá di sumo importansia.



_____________________________________________________________________


Por sierto e sita famoso akí di  Wordsworth tabata riba portada di nos edishon pasá. Meskos ku Djispi Wordsworth tambe ta un gran amante di nos naturalesa.


William Wordsworth a nase 7 di aprel di aña 1770 na Cumbria, parti di e region nortwèst di Inglatera, konosí tambe komo Lake District. E ta e di dos di sinku ruman. El a  muri 23 di aprel di aña 1850.


Ta konsiderá Wordsworth di ta un di e suministradónan prinsipal di e movementu Romántiko. E ta kalifiká su propio poemanan komo ‘eksperimental´.

El a konosé tragedia na un edat hóben pasó tur su dos mayornan a muri promé ku el a kumpli 15 aña. I nan komo ruman mester a bai biba ku otro famianan. Sinembargo e susesonan akí no a amarg’é. El a krea un atmirashon profundo pa naturalesa. Mas despues den su bida, e amor pa naturalesa akí ta karakterisá su obranan di mas famoso.

Wordsworth tabata bishitá Alpen di Suisa i Fransia mashá i ta di aki ku el a krea un interes enorme pa polítika di Fransia i balornan di e revolushon franses.

E poeta Samuel Taylor Coleridge tabata un gran fanátiko di su obranan. Huntu nan tabata kompartí un pashon profundo pa naturalesa, ideanan relashoná ku humanidat, libertat i restourashon di alma. Huntu nan a yega na e idea di krea un tipo di antologia totalmente nobo. Asin´akí nan a bin produsí Lyrical Ballads (1798) un obra importante den e movementu Romántiko ingles, kaminda nan a kuminsá ku un era nobo di poesia, karakterisá pa e poder di imaginashon, mundu natural i e bida pastoral. Un di su poemanan di mas famoso Tintern Abbey, a keda publiká den e kolekshon akí, huntu ku The Rime of the Ancient Mariner" di Coleridge. Ta konsiderá e dos obranan akí komo un rebelion kontra e marcha imparabel di Revolushon Industrial.

Na aña 1799, Wordsworth i su ruman muhé Dorothy a bai biba permanentemente na Lake District bèk. Coleridge i su famia tambe a sigui nan djis despues. Na aña 1804 Wordsworth a komponé un di su poemanan di mas atmirabel, titulá I Wandered Lonely as a Cloud.



Nos ta invitá un i tur pa chèk e siguiente rúbrika Tuma Boka pa e famoso poema akí di  William Wordsworth titulá I Wandered Lonely as a Cloud (tambe konosí komo The daffodils).

Honor na outor


E biaha akí den nos rúbrika Honor na Outor nos ta duna honor na un outor internashonal. Ta trata akí di e poeta ingles William Wordsworth. Ta konsiderá William Wordsworth di ta un di e figuranan literario di mas importante di historia moderno. Wordsworth ta konosí pa e famoso definishon ku el a duna di poesia, kaminda e ta bisa: Poetry is the spontaneous overflow of powerful feelings: it takes its origin from emotion recollected in tranquility.



Nabegando

‘Sitasina’

Palabra di Dios

Ékolekua

Honor na outor

Tuma boka!

Viva Curaçao!

_____________________________________________________________________